எனது படைப்புகள் - 7

                                 *** ரசனை ***

முன்பெல்லாம்,
கடற்கரை மணலில்,
நுரையோடு வரும்
அலைகள் என் பாதத்தை வருடி விட்டு
செல்லும் போது,
மனது ரசிக்கும்.
இன்னொருமுறை என் பாதத்தை வருட
வருவாயா? என
ஏங்கும்.

அப்படி ரசித்த அலையை,
உன் கை விரல்களைப் பிடித்து,
கடற்கரை மணலில் நடக்கும் போது,
பாதத்தின் நினைப்பை எப்படி மறந்தேன்?
பல முறை என் பாதத்தை
அலை வருடிச் சென்று, எனக்கு நினைவூட்டியும்,
என்மனம் உன் விரல்களைப்
பிடித்துக் கொள்ளத்தான் நினைக்கிறதே?
காதல் எதனையும் மாற்றும்.
அறிந்திருக்கிறேன்.
ஆனால்,
ரசனையையும் மாற்றுமோ?

உண்மைதான்.
இப்போதுதான் புரிந்தது,
காதல் எதனையும் மாற்றும்.
ரசனையையும் மாற்றும்.

இன்னமும் என் பாதத்தை
அலை வருடிச் செல்கிறது,
ஆனால் ரசிக்க முடியவில்லை.
காரணம்,
என் கரத்தைப் பிடித்த உன் விரல்கள்
இன்று,
இன்னொருவனின் கரத்திற்க்குள்.

மௌனமாக இருந்த என் மனதிடம்,
அருகில் வந்த,
அலை சொன்னது..,
யார் உன்னை கை விட்டாலும்,
நான் உன்னை வருடிக் கொண்டுதான் இருப்பேன்,
அழுகின்ற குழந்தையை வருடும் தாய் போல.





*************************************************************