எ.பி.க - 7

 

ஒரு பெண் எழுதிய இந்தக் கவிதைகளை நான் எதேச்சையாக படித்த போது , ஆச்சர்யப்பட்டேன்!.. பெண்ணுக்குள்ளும் எத்தனை எத்தனை ரசனைகள்..எத்தனை எத்தனை கற்பனைகள்.. பாராட்டுக்கள் சபீதா...
                                              

                                    * களை இழந்த மாடம் *

பூப் போட்ட பாவடை
பொருத்தமற்ற தாவணி..,

நாலணா பொட்டு
சந்தையில் வாங்கிய
வளையல், தோடு...

படிய வாரிய தலை
வாடிப் போன மல்லிகை
எனினும் தேவதைதான்
ரேவதி அக்கா..,

பணக்காரனுக்கு வாழ்க்கைப்பட்டு
களையிழந்துபோனாள்
பட்டுப் புடவையிலும்
பகட்டுச் சிரிப்பிலும்!

---------------------------------------------------------------------------------

                                            * கனவுப் பயணம் *

ஆறு வயது மகளின்
கனவுக்குள் பிரவேசிக்க
நேரிட்டது ஒரு நாள்

பட்டாம்பூச்சி மீது பயணம்
சித்திரக்குள்ளன் ஸ்நேகம்
சாக்லேட் வீடு
ஐஸ்க்ரீம் சாலை

கனவிலிருந்து வெளியேற
வழி தேடினேன்
இல்லாமல் இருந்தால்
நல்லது!

 

நன்றி - சபீதா இப்ராகிம்.

*******************************************************