எ.பி.க - 6

கொஞ்சம் பர்சனல் வேலை இருப்பதால், நாளைக்கான பதிவை இன்றே வெளியிடுகிறேன்.

ஒரு குழந்தையின் மனம் இப்படியெல்லாம் பேச நினைக்கிறது. படித்தபின் எனக்கு ரொம்ப பிடித்துப் போயிற்று.

                                                  * இயலாமை *

 அவளை பார்க்கும்போது
சொல்ல நினைக்கிறேன்...
அவள் சிரிக்கும்போது
சொல்ல நினைக்கிறேன்...
அவள் என்னை முத்தமிடும்போது
சொல்ல நினைக்கிறேன்...
ஆனால் சொல்ல
முடியவில்லை!!!
கடவுளே...
எனக்கு சீக்கிரம்
பேசும் சக்தியை கொடு...
அவளை ''அம்மா"
என்றழைக்க...

நன்றி - அறிவொளி

தெருவில் சில நேரம் இந்தக் காட்சியை நாம் ஒவ்வொருவரும் பார்க்க நேரலாம். ஒரு சின்னஞ் சிறிய கயிற்றில் குட்டிப் பெண் நடக்கும் போது , நம் மனம் அவள் கீழே விழுந்து விடுவாளோ என்று பயக்கும். ஆனால் அவளுக்கு அதைப் பற்றிய கவலை இல்லை. இன்றைக்கு எவ்வளவு வசூலாகும் என்பதுதான் கவலையாக இருக்கும். அவளைப் பற்றிய ஒரு கவிதை. எனக்கும் பிடித்தது.

 

                                               * பாசபிணைப்பு *

பாசெமெனும் கயிறுகளால்
பிணைக்கப்பட்ட உறவுகளை
வேஷமிட்டு கயிற்று மேல்
வெளிப்படுத்தும் வேதாந்தி

ஆட்டுவிக்கும் பரம்பொருளை
அவ்வப்போது அறிவதுபோல்
காட்டிநிற்கும் இவள் சிரிப்பு
கவலைகளின் மறுபதிப்பு

நன்றி - யுகபாரதி

************************************************************